នៅវេលាម៉ោង៩កន្លះព្រឹកថ្ងៃទី៨ ខែសីហា ឆ្នាំ២០២៥ ក្រុមការងារមជ្ឈមណ្ឌលឯកសារកម្ពុជា ខេត្តព្រៃវែង រួមមាន៖ ថុន ស្រីពេជ្រ និង ដារ៉ារដ្ឋ មេត្តា បានធ្វើដំណើរទៅកាន់មជ្ឈមណ្ឌលគរុកោសល្យភូមិភាគ ខេត្តព្រៃវែង។ គោលបំណងរបស់បុគ្គលិកមជ្ឈមណ្ឌលឯកសារកម្ពុជា ខេត្តព្រៃវែង ទៅកាន់ មជ្ឈមណ្ឌលគរុកោសល្យភូមិភាគខេត្ត ព្រៃវែង គឺទី១).រក្សាទំនាក់ទំនងរវាងការិយាល័យមជ្ឈមណ្ឌលឯកសារកម្ពុជា និង មជ្ឈមណ្ឌលគរុកោសល្យភូមិភាគ ខេត្តព្រៃវែង និង ២).បិទលិខិតផ្សព្វផ្សាយព័ត៌មានជ្រើសរើសអ្នកស្ម័គ្រចិត្តចំនួន៨៥នាក់ក្នុងគម្រោង «ការលើកកម្ពស់លទ្ធិប្រជាធិបតេយ្យ និងអភិបាលកិច្ចល្អ តាមរយៈភាពជាអ្នកដឹកនាំរបស់យុវជនក្នុងសកម្មភាពស្ម័គ្រចិត្តសង្គម» ដែលត្រូវអនុវត្តន៍ក្នុងខែកញ្ញា ឆ្នាំ២០២៥ ខាងមុខនេះ។ នៅពេលទៅដល់ក្រុមការងារមជ្ឈមណ្ឌលឯកសារកម្ពុជា ខេត្តព្រៃវែង បានជួប ជាមួយ លោក សូ ហាន់ សំណេះសំណាលអំពីសកម្មភាពនៅក្នុងសាលាគរុកោសល្យ និងការប្រើប្រាស់បណ្ណសារមជ្ឈមណ្ឌលឯកសារភូមិភាគបូព៌ា និង លោកនាយករងមជ្ឈមណ្ឌលគរុកោសល្យភូមិភាគខេត្ត ព្រៃវែង ឈ្មោះ លី សុធិន ដើម្បីជម្រាបអំពីព័ត៌មានការជ្រើសរើសអ្នកស្ម័គ្រចិត្ត និង សុំអនុញ្ញាតបិទសេចក្ដីប្រកាសព័ត៌មានជ្រើសរើសអ្នកស្ម័គ្រចិត្ត។
លទ្ធផលនៃសកម្មភាពនេះ មានដូចខាងក្រោម៖
១). បិទប្រកាសព័ត៌មានជ្រើសរើសអ្នកស្ម័គ្រចិត្ត និង ផ្សព្វផ្សាយព័ត៌មានជ្រើសរើសអ្នកស្ម័គ្រចិត្តទៅកាន់គ្រុបតេឡេក្រាម របស់មជ្ឈមណ្ឌលគរុកោសល្យភូមិភាគខេត្ត ព្រៃវែង
២).ការប្រើប្រាស់ជាបន្ទប់ការិយាល័យឯកសារសម្រាប់ប្រជុំ ផ្ដល់បទសម្ភាសន៍ក្នុងការប្រមូលទិន្នន័យ ដើម្បីបំពេញការសរសេរនិក្ខេបបទបញ្ចប់ការសិក្សាថ្នាក់បណ្ឌិតរបស់លោក សូ ហាន់។
៣).ស្លាកឈ្មោះ «មជ្ឈមណ្ឌលឯកសារភូមិភាគបូព៌ា (បណ្ណសារឯកសារខ្មែរក្រហមភូមិភាគបូព៌ា) នៅរក្សាទុកនៅលើជញ្ជាំងជាប់មាត់ទ្វារចូលក្នុងការិយាល័យដដែល។
៤).ការិយាល័យនេះ ត្រូវបានប្រើប្រាស់បន្ថែមលើមុខងារចាស់ដែលដើរតួនាទីជាបណ្ណាល័យ និងកន្លែងស្រាវជ្រាវ ជាបន្ទប់ប្រជុំប្រចាំសប្តាហ៍ និងប្រចាំសម្រាប់លោកគ្រូឧទ្ទេសនៅមជ្ឈមណ្ឌលគរុកោសល្យភូមិភាគខេត្តព្រៃវែង។
៥).ការិយាល័យនេះ ក៏ត្រូវបានប្រើប្រាស់ជាបន្ទប់ស្រាវជ្រាវផ្នែកប្រព័ន្ធបច្ចេកវិទ្យា និងកំព្យូទ័រ។ ៦).ផ្ទាំងរូបថតពិព័ណ៌អចិន្រ្តៃយ៍ដែលមជ្ឈមណ្ឌលឯកសារកម្ពុជា ដាក់តាំងបង្ហាញនៅក្នុងបរិវេណ មជ្ឈមណ្ឌលគរុកោសល្យភូមិភាគ ខេត្តព្រៃវែង ស្ថិតនៅកន្លែងដដែល។ ប៉ុន្តែផ្ទាំងរូបថតភាគច្រើន បានរលុបអក្សរ និងឆ្លកពណ៌មើលរូបភាព។
៧) រចនាបទពិព័រណ៍ និងការរៀបចំពីមុន ស្ថិតនៅដដែល។
៨) សៀវភៅ និងឯកសារដែលបានប្រគល់ និងដាក់ក្នុងទូរឯកសារ និងធ្នើសៀវភៅ ក៏ស្ថិតនៅសភាពដើម។
ភ្ញៀវចូលប្រើប្រាស់បន្ទប់ការិយាល័យ៖
សន្និដ្ឋាន ការិយាល័យស្រាវជ្រាវ និងបណ្ណាល័យឯកសារខ្មែរក្រហមនេះ ថ្វីត្បិតតែមជ្ឈមណ្ឌលឯកសារកម្ពុជាបានប្រគល់ទាំងស្រុងទៅឲ្យមជ្ឈមណ្ឌលគរុកោសល្យភូមិភាគខេត្តព្រៃវែង នៅតែដើរតួនាទីសំខាន់ក្នុងការផ្តល់ និងចែករំលែកចំណេះដឹងអំពីប្រវត្តិសាស្ត្រខ្មែរក្រហម ទៅកាន់មនុស្សជំនាន់ក្រោយដែលជាអ្នកអប់រំវ័យក្មេង និងថ្នាក់ដឹកនាំក្រសួងអប់រំ យុវជន និងកីឡា។