ដំណើរកម្សាន្តស្រូបយកខ្យល់អាកាសបរិសុទ្ធលើផ្ទៃទឹកទន្លេមេគង្គ នាឱកាសបុណ្យចូលឆ្នាំថ្មី!
ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរដែលជិតឈានចូលមកដល់នេះ តើលោកអ្នកបានត្រៀមខ្លួនសម្រាប់ដំណើរកម្សាន្តទៅកាន់ទីកន្លែងណាហើយឬនៅ? ប្រសិនបើលោកអ្នកកំពុងស្វែងរកទីកន្លែងសម្រាកកាយបែបធម្មជាតិពិតៗ សូមកុំរំលង តំបន់រ៉ាមសារ នៃទឹកដីខេត្តស្ទឹងត្រែង!
ភូមិសាស្ត្រ និងទីតាំង
សហគមន៍អេកូទេសចរណ៍បូរីអូរស្វាយ ស្ថិតនៅក្នុងភូមិអូរស្វាយ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង។ ទីនេះគឺជាឋានសួគ៌ធម្មជាតិលើដងទន្លេមេគង្គ ដែលផ្តល់នូវទស្សនីយភាពដ៏អស្ចារ្យមិនអាចបំភ្លេចបាន។
សេវាកម្មកម្សាន្តដ៏សម្បូរបែប
មកដល់ទីនេះ លោកអ្នកនឹងរីករាយជាមួយសេវាកម្ម និងសកម្មភាពលម្ហែកាយជាច្រើនដូចជា៖
• ជិះទូកទស្សនាព្រៃលិចទឹក៖ ទស្សនាសម្រស់ដើមឈើលិចទឹកប្លែកៗ និងសត្វស្លាបនានា។
• អុំទូកកៃយ៉ាក់ (Kayak)៖ បទពិសោធន៍បែបផ្សងព្រេង និងហាត់ប្រាណលើផ្ទៃទឹកដ៏ថ្លាយង់។
• បោះតង់ (Camping)៖ សម្រាកក្រោមពន្លឺតារា និងសម្លេងទឹកហូរ នារាត្រីដ៏ស្ងប់ស្ងាត់។
• ផ្ទះស្នាក់ (Homestay)៖ បទពិសោធន៍រស់នៅបែបអ្នកស្រុក សាមញ្ញៗតែមានសេចក្តីសុខ។
• ម្ហូបអាហារសហគមន៍៖ រីករាយជាមួយរសជាតិម្ហូបស្រុកស្រែដ៏ឈ្ងុយឆ្ងាញ់ ត្រីស្រស់ៗទើបតែយកពីទន្លេមេគង្គ និងមានអនាម័យ។
• សេវាកម្មនាំភ្ញៀវ៖ មានមគ្គុទ្ទេសក៍ក្នុងតំបន់ដែលស្ទាត់ជំនាញ ចាំបម្រើលោកអ្នកដោយស្នាមញញឹម។
ព័ត៌មានបន្ថែម និងការកក់ទុក
ដើម្បីភាពងាយស្រួលក្នុងដំណើរកម្សាន្ត និងការរៀបចំទុកជាមុន លោកអ្នកអាចទំនាក់ទំនងទៅកាន់ប្រធានសហគមន៍ផ្ទាល់៖
លោក សាន ម៉ៅ លេខទូរស័ព្ទ៖ ០៨៨ ៨៩៧ ៣១៩៩
សូមជូនពរពុកម៉ែបងប្អូនទាំងអស់គ្នា ទទួលបាននូវសេចក្តីសុខ សុភមង្គល និងមានសុវត្ថិភាពក្នុងរាល់ដំណើរត្រឡប់ទៅស្រុកកំណើត ក៏ដូចជាដំណើរកម្សាន្តគ្រប់ទិសទី!
April 10, 2026
Photo and text by Sreng Lyda
Documentation Center of Cambodia Archives
https://photos.app.goo.gl/fAqqaCHCSXYKpcbB6